※21/1/2009 - Our 11th Anniversary※

《Be True》

嗚嗚...臨近生日 + 放大假先至大病...好慘呀!!!

今日已經係放大假第三日  不過身體仍然未好番晒 喉嚨仲係痛痛地  又多痰
搞到明明聽日出發去台灣都無咩心機咁...

唉  希望食埋今日藥 聽日一覺訓醒會無晒事啦...
如果唔係  去到台灣咩都唔食得真係好無癮...

不過點都好啦...話晒都係一年一次生日旅行  應該開心d先係^^
今次除左我同Hung去之外  仲有一個好肥大電燈膽  哈哈 就係我肥細佬啦~
經過佢多番苦苦哀求之下  我終於心軟  應承左帶埋佢去 當係圓左佢生日心願啦~

哈哈  佢真係開心到飛起!!! (而家d細路仔真係好幸福)
梗係啦 無la la唔駛返幾日學仲有得去旅行wor~ (諗諗下自己幫佢請假帶佢去旅行真係幾衰)

不過算啦  機票都已經訂好晒 一切已成定局就無謂再諗 啦~

好!!! 一於聽日開開心心出發吧啦!!!

由於生日唔係HK關係  早上個星期已經開始左我一d pre b-day celebration

打頭陣當然有HA 714 + 715A 幫我搞既B-DAY PARTY啦~

PART I  19/10/2008 @ NEWAY K Buffet

多謝晒你地份禮物呀~ 床單同MP3機都夠實用  岩晒我~

PART II  21/10/2008 with scanning department

                                                       好靚既壽司CAKE!!! 唔捨得食~

  仲有勁多野食~YUMMY~YUMMY~~~

跟住公司又集體搞左個10月B-DAY PARTY

公司仲派左生日pocket cash $$$俾10月之星...THANK YOU!!!

PART III Celebration with family ~~

哈哈 ~因為我同肥仔生日只差幾日  所以我地自己都搞一搞mini party啦~

出街食餐飯 & 食cake

雖然聽日先係自己正日  但已經慶祝左幾次  真係好開心~

hehe^^ 返到HK應該仲陸續有來...

好!!!  出發啦  返黎見啦~

HELLO...EveryBoDy~~
又係一月一度寫blog既時候啦~

上個月提過心情唔好 不過心理問題係會隨時間過既...
今次寫blog心情好好丫...可能因為連續放左幾日假啦~~
加上今個月尾自己生日拎左8日大假...而家 plan緊去旅行大計  諗起都開心!!!

又講番呢個月  都係去玩去食多

快樂中秋節 @ Ocean Park - 14/9/2008

再次三人行 - 我 + Hung +肥細路~

記得對上一次去Ocean Park已經係05年既事  因為個次係去Halloween 無咩點玩機動遊戲

今次去玩番好多之餘  仲多左好多新野  例如水母館、熊貓館、中華鱘館啦...去參觀下都幾好...

死啦 我又係懶 又係一次過paste晒

(哈哈 一次過paste晒真係幾方便...)

今次去Ocean park感覺都唔錯  時候都用得好充實 無話有d想去既地方去唔到咁...
下次再去可能就係今年Halloween 呵呵~

去完ocean park 夜晚就梗係去婆婆度做節啦~

食完飯即興  再加上係肥仔"吹迫"之下  我地就入左清入灣賞月 搞搞下就玩到半夜兩點幾先走lu~ 

中秋節快樂丫!!!!!!

養魚之樂

跟住又講番屋企事先  上次提過話我地屋企買左缸魚 有d生氣ma~俾大家睇睇先~

我的最愛---好得意既西瓜蟹~
睇下佢  得一邊係有個大蟹鉗, 仲識擺出側"V"字手勢 好搞野...

而家Hung真係弄魚為樂ga  個個weekend都出金魚街加d新成員入黎ga...
仲要成日洗缸  搞到懶係忙咁...哈哈

好 見佢工作咁忙都裝飾下屋企  就送佢一個小牌匾啦...

哈 其實係eBay送俾佢的  寄上門 好搞笑

不過都好  肯定左佢地成績都唔錯唔錯...

好 跟住就介紹一下呢個勁得意既廁紙筒 
幾搞野 ~我鍾意!!
仲有好多款ga.有wasabi啦,萬能膠啦
不過我覺得牙膏最似...

掛廚房又得  掛床頭又得 得左!!! 哈~

Scanning Gathering @ 7E CHurry

成班突然興起  話想食印度菜~~

嘩!! 今次係第一次真正踏入尖沙咀重慶大廈  真係好恐怖!!!

地下個商場簡直令人毛骨悚然  全部係"阿差"不在講  佢地仲要係咁口擘擘 手又不停拉客入佢地自己間餐廳
我地10個女仔 去到真係好驚...

好彩到最後我地上樓間餐廳環境又唔係太差...野食都ok wor...

係bor  仲有對上一次係小肥羊gathering  都提一提先...

9/28/2008 

CQ八九月「反傳統」超正經生日派對 @ 新世紀酒店-花月庭

                                              哈哈 係咪似一張grad dinner相多d呢??

呢次既B-day Gathering 真係咁多次以黎最正經既一次...

竟然去左酒店咁高消費既地方食buffet   打破左我地一貫多數都係BBQ/打邊爐既規律 

我帶埋肥仔去  兩個人加埋差唔多食左成$500...真係好貴...

不過唔緊要啦  CQ真係無幾可ma...呵呵...

但係...各位隊友...

因為今次我地咁high class...我心裡面有個好大個擔心呀

哈哈  就係...會唔會到我今個月生日  CQ既 B-day gathering會back to normal ga?

定係會有更high class既suggestion呢??? (哈哈  我諗都應該諗唔到ga la)

好啦 又講完對上個月既事 

黎緊呢個10月好興奮呀  因為話咁快又一年...月尾又到自己生日啦~~

今年拎左一連8日大假  係我自己返呢份工以來未試過ga
等呢次長假真係可以話等到頸都長埋...所以而家諗起都已經好開心

而家已經plan緊去台灣旅行...一陣都會繼續上網search下... 應該會去台北 + 懇丁

我要過一個開心難忘既生日!!!!

下次見啦~

好耐無上過xanga...

今晚一口氣睇番晒上個月d subsciptions  先remind到上個月發生過咩事

大事一定係奧運啦~ 開幕式真係精彩到暈
仲記得個晚要番night shift  但係就連Dr.同patients都一齊係lobby睇 公司電話都停左一陣無響

最like二千幾人 "活體字模"  無諗過可以由人整成  可以咁齊   真係拍爛手掌 真係超勁!!!
所以話：「 中國無野多  就係人多！」 哈哈 相當認同~~

跟住放工返到屋企岩岩就做李寧點聖火 一樣咁震撼!!!
好厲害  就咁睇佢都辛苦 做埋肯定勁辛苦~

不過 早兩日睇殘奧開幕式  最後點聖火個part我覺得更加震撼
真真正正帶出"殘而不廢"的精神!!! 認真好野!!!

奧運真係好好睇  連一d之前無睇過既項目  自己都竟然鍾意左  仲不停追睇
所以奧運完左個幾日真係有d失落  好想繼續睇體操啦 排球啦 仲有好多好多

最印象深刻梗係劉翔因傷退賽 
記得個日又係返night shift 仲朝早專登較鐘起身睇
到睇住電影個刻我自己都呆左  跟住見佢真係離開比賽場地 我自己都眼濕濕
好可惜 真係好可惜~

仲有程菲失手啦 練4年就係練一個動作  點知最重要關頭失敗左  好心酸~

不得不對所有運動員致敬!!  繼續加油呀!!!

其次大事 -- 嘉禾大火兩個消防員   -- 好心傷 安息啦~

之後就係自已事

Hung照完MRI  病足1星期  發高燒4日唔退燒
跟住佢突然有晚訓訓下哮喘發作  嚇到我半死  即刻同佢去聯合急症
最後即時入院  住左三日 但係出左院後身體都一直虛弱  後來情況先好轉
到佢好番後 唔知係咪因為病菌交叉感染  又到我發高燒 病左幾日都唔好
到最後  直到上星期我地兩個先完全好番晒
唉  總之差唔多成半個月 我地兩個都俾疾病折磨  大家互相照顧大家

唔知係咪因為咁  再加上呢排真正開始學type rpt 有d壓力
搞到自己心情都變得莫名其妙  時好時壞  但又解釋唔到咩事

不過 呢d心理問題都係會隨時間過既...
而家"赤粒sim" 已經成為左我地兩個之間既代號  哈哈 好搞笑~

講後近排  屋企養左缸魚  人充滿生氣d
Hung仲忙到日日打理 而家佢弄魚為樂丫~

小學同學gathering

多謝你地送俾我套瓷器碗碟丫~ thx!!!

Last Sunday 7/9/08 山頂蠟像館

同行 兩個細佬 + Hung + 瑩妹

睇電視就睇得多  親身去睇就係第一次

$140/人  入場費 都幾貴wor~~

有d真係好似好似  最似係城城 + 楊千嬅 + 衛蘭 (我懶  一次過paste晒)

難得去到蠟像館  我同Hung都整左個手蠟 - 我同Hung兩隻手結合而成的手蠟

好靚呀我覺得  同埋 好有意義...哈哈~

好啦  寫親都係咁長  自己都有d唔好意思

(返工真係好累好累...返工已經對住電腦成日  所以 成日返到屋企都已經唔想用電腦 ) 

嘩哈哈~ 下次唔知隔幾耐見啦~

噢   又足足一個月無打xanga

一來 工作太累

二來 呢個月返工就係練習typing report
         工作全日都係打字  返到屋企已經唔想再用電腦打字

所以 ... 一切從簡

7月events:

6/7/2008  葛量洪校友會將軍澳學校  結業告別聚會

我地三姊弟都係讀呢間小學大
但近年而家因為收生率不足 (其實上年都只係剩四至六年級)
學校始終都市逃不過被殺校既命運

搞到浩燃仔而家讀緊小五 要升小六 都要轉讀第二間 (哈哈 竟然轉左去Hung讀的小學^^)

葛量洪自小就於翠林陪我長大...其實要拆真係幾唔捨得...

所以呢日就約左一班小學同學返去影下相  見番下d小學老師

 個個都唔同晒樣啦~哈哈~

我最fd的小學同學  -- 紫甜 & 帼琳  -  校務處~ 以前每逢肚痛都會黎呢度塗藥油

大家都返到課室啦~~

我小學時都做過風紀ga  所以就捉左個風紀同自己影相
(因為佢唔肯借條風紀紅帶俾我 話怕俾老師鬧 真乖)

hehe^.^ 同我可愛肥b影張學校照先~

郭老師---以前教我體育 而家教浩燃數學~

我們最敬愛的鄧老師 -- 6C班班主任

呢日返到學校好有親切感呀  見番好多舊同學 勾起好多小學時的生活片段

雖然要拆啦  不過好多回憶我地都會記得ga  再見啦葛量洪!!!

11/7/08  Happy Birthday to Glami!!!

哈哈 原本話去食西餐  點知佢地突然改變主意

佢地話想causal 一d  最後建議上左我屋企慶祝  叫pizza同食壽司  一樣咁開心呀~~

12/7/08 -- Scanning Gathering @  尖沙咀香格里拉酒店

三個月一次既gathering又到啦 今次係buffet!!!

認唔認得後面個個男人係邊個呢??
係補習天王 + LV VIP SUPER FANS 呀!!!
即係伍詠微阿哥呀!!! 真係好似樣ga~
估唔到佢係Alice補習老師  Alice係佢超級粉絲 仲介紹左俾theresa認識 搞笑~

7月幾個weekends  去左好多地方玩

又一城溜冰+ Mega BOX + 淘大bowling & 桌球+ 德福PIZZA

對上個weekend 我地仲舉家9人上左上陸玩  今次舅父帶隊去大場按摩  兩日食連玩用左成$5000呀 好貴啊!!

不過個場真係好大  設備好齊全  玩得好開心~~所以都... 值得既~~  可惜係....無影相囉~

係... 呢排公司好多是非  嚴重影響返工心情  搞到身心都好疲勞
雖然件事唔涉及我  但睇到同聽到都覺得好煩  希望件事快d平息啦

好 下次見~